Jæja þá hefur ættin eignast doktor,,,,,,, Elvar Halldór varði doktorritgerð sína 14. desember við háskólann í Tromsö.  Rannsóknin fjallaði  um afföll af loðnuseiðum (Mallotus villosus) í Barentshafi af völdum afráns og áhrif þess á nýliðun loðnustofnsins.  Allt var þetta gefið út á bók sem í okkar tilviki er auðvitað jólabókin í ár.  Áhugasamir geta litið við hjá sigga h og gluggað í ritverkið.

Nú er liðin vika síðan við hittumst og ég er mjög ánægð með hvað allt gekk vel, við vorum heppin með veður, ekki hefði það verið betra núna.

Ég er svoddan klaufi að setja myndir inn, en ef þið farið inn á barnalandssíðuna hjá Gunnari Jökli  www.barnaland.is/barn/18085   þá sjáið þið fullt af myndum.

Takk fyrir allt, höldum áfram að vera í sambandi á síðunni.

Kveðja Olga Dís

Kærar þakkir fyrir fína og vel skipulagða helgi af mótshöldururum. Allt gekk þetta fínt og flott fyrir sig og ég held bara að allir hafi farið ánægðir heim, þó borið hafi á reykeitrun hjá sumum.

Vildi bara deila með ykkur nettum "celebum" sem ég sá á rölti í Flatey þessa ágætu ættarmótshelgi! Það voru engir aðrir en Clint Eastwood og svo Sean Connery sjálfur!!

Bestu kveðjur,, Bjössi og co!

Jæja góðir ættingar!

Þá er að koma að þessu, ég er að fara í Flatey í fyrramálið og get því ekki komist á síðuna fyrr en eftir ættarmót.

Þeir sem ekki ná að greiða fyrir helgi, geta komið með greiðslu til mín í Flatey. (það er ekki tekið á móti greiðslukortum).

Það verður gaman að taka á móti ykkur öllum.  Sjáumst hress og komið með góða skapið, söngröddina og góða veðrið með ykkur.

Kveðja  Olga Dís.

Haaaalllóóóóóó!!!!!!  hvar eru allir skemmtikraftar fjölskyldunnar sem ætla að troða upp í tjaldinu?   Það hefur ennþá enginn gefið sig fram nema Sóla með skyggnilýsingarnar hennar Ernu (þær segja að Bjössi sé svo mikill draugur að það sé á við skyggnilýsingar að segja frægðarsögur af kappanum) 

allt kemur til greina sem er hæfilega vel innan siðgæðismarka.

kveðja siggi h.

Almennt fargjald með Baldri, Stykkishólmur-Flatey, er kr. 1530,- aðra leiðina fyrir fullorðna, helmingi minna fyrir börn, svo með afslættinum greiða fullorðnir kr. 1836,- fyrir leiðina Sth-Bræðraminni-Sth.

Munið svo að leggja inn 2000 kallinn fyrir helgi.

Til hamingju með daginn 3. júlí Sigga og Sólkatla    

Nefndin.

Vinsamlegast greiðið 2.000.- kr. pr. mann 15 ára og eldri, inn á reikning 0321-13-700032  kt. 140260-7899

Með kveðju frá gjaldkera.

Laugardagur 8. júlí  2006

11.15      Gengið í skrúðgöngu frá Bræðraminni til kirkju með trommur og íslenska fánann í fararbroddi.

11.30      Helgistund í Flateyjarkirkju.

14.0         Leikir og ýmsar uppákomur á reitnum niður við Vog.

16.0     Kveikt í grillinu og sameiginlegt borðhald undirbúið.

17.0     Myndataka hjá Bræðraminni, hver litur myndaður fyrir

framan ættaróðalið. ( Enginn má skorast undan.)

17.00 Meðan beðið er eftir matnum er hægt að spila Marías og  Sæl ömmu inn í tjaldi.                                                                                 

18.0     Borðhald í og við tjaldið.

20.0      Kvöldvaka með tónlist, frásögnum og ýmsum    

          uppákomum.  

Þeir sem eru með eitthvað fram að færa,  hafið samband við veislustjórann, Sigþór U. Hallfreðsson.

Mér telst til að afkomendur þeirra ömmu og afa í beinan legg séu orðnir 124 og hefur því fjölgað um hvorki meira né minna en 42 á 10 árum, séu þetta réttar tölur. Prófið að telja og gáið hvort þið fáið það sama út !

Svo ef þið viljið komast í ennþá meiri Flateyjarstemningarfíling þá kíkið inn á síðuna hennar Sólu, linkur hér til hliðar

Kv. Ellý

Ég held ég setji hér inn nokkur orð, það er svo leiðinlegt að kíkja inn og ... ekkert nýtt !

En nefndin er sífellt að störfum og hefur skipt farsællega með sér störfum eins og góðra nefnda er tamt, auk þess að hafa komið einstökum verkefnum yfir á aðra þegar betur hefur þótt henta.

Minningarstundin í kirkjunni er nú óðum að mótast en Hólmarinn Sr. Elínborg Sturludóttir sóknarprestur í Grundarfirði mun vera með okkur í þeirri stund. Að öðru leyti munum við sjálf sjá um allan flutning. Þorkell Máni mun sjá um orgelleikinn og Bræðraminniskórinn mun leiða sálmasönginn. Minningarorð verða flutt og eru þau systkin Bents og Þorvarðarbörn þessa dagana að skrá niður eitthvað fróðlegt og skemmtilegt fyrir okkur hin að hlýða á. Fjölbreyttur tónlistarflutningur mun verða. Elín Hanna mun leika eitt lag á fiðlu, einsöngur verður í höndum Örnu Láru, Huldu Gests og Höllu Dísar, auk þess sem Björgvin og Lárus Frans munu syngja tvísöngslag. Ellý og Sigrún Hrönn munu stýra kirkjuskólalögum með yngri kynslóðinni (og örðum síungum !!) og fleira og fleira. Það er ljóst að þessi stund á eftir að verða okkur mikils virði í minningarbók framtíðarinnar og frábær byrjun á frábæru ættarmóti.

Við munum koma okkur vel fyrir í eynni. Þannig munu þau systkin Sóla og Bjössi auk systranna Hrefnu, Eyrúnar og Lillu koma sér vel fyrir á Vogi. Björgvin verður með sitt lið á Bergi, Hjördísar lið m.a. á Sunnuhvoli og gömlu símstöðinni, Gréta í Vertshúsi, Sigrún Hrönn í Rarikbústaðnum, Olga og co. í Grænagarði, Hilmar og co. á Bjargi og ekki má gleyma sjálfu ættaróðalinu, Bræðraminni, sem verður að sjálfsögðu miðdepill mótsins, en þar verður stórt samkomutjald staðsett.

Ennþá á eftir að uppfæra afkomendaskrá þeirra Óla Geirs og Huldu. Ég vænti þess að einhverjir innan þeirra afleggjara sjái sér fært að skrá það inn á ,,um okkur” ekki síðar en um helgina, til þess að hægt verði að sjá hvað við erum nú orðin mörg !! Við vorum 82 árið 1996.

Frábær skemmtun framundan !

Bestu kveðjur, hlakka til að sjá ykkur, Ellý

Nefndin hefur samið um 40% afslátt með Baldri sem gildir í kringum ættarmótshelgina. Kaupa þarf miða á skrifstofu Sæferða áður en lagt er í 'ann og gera þarf grein fyrir sér til þess að fá afsláttinn, þeir sem ekki þekkjast þar af ættarsvipnum notast við ákveðna kennitölu, sem ekki er rétt að tíunda frekar hér á galopnum  vettvangi, en tengiliðir hverrar greinar ættartrésins hafa fengið upplýsingar um það.

,,Bráðum Baldur nú fer Breiðafjörðinn minn yfir, í skyndingu skelli ég mér .... " Það fer að styttast í þetta

Nú hefur undirbúningsnefnd fundað aftur, og skipulagning gengur vel.  Síðasta talning er 142  og er það framar öllum vonum.

Ákveðið hefur verið að mótsgjald verði 2.000.- á mann fyrir 15 ára og eldri, frítt fyrir börn.  Innifalið er matur á laugardagskvöldi ásamt öðrum kostnaði s.s. tjald, bekkir, borð, borðbúnaður, merkisspjöld ofl.

Innleggsreikningur er 0321-13-700032   kt. 140260-7899  það þyrfti að vera búið að leggja inn fyrir 7. júlí.

Kv. Nefndin

Í kaflanum ,,um okkur" væri gaman að setja inn uppfærða skrá yfir alla afkomendur afa og ömmu, og sjá hvað þeir eru nú orðnir margir. Við vorum 82 fyrir 10 árum ! Ég er búin að uppfæra pabba hluta frá því síðast (afkomendaskrá var fremst í söngheftinu frá síðasta ættarmóti 1996) og setja hann þarna inn og gott væri ef einhver tæki sig til innan hvers geira og gerði slíkt hið sama.

Ég minni aftur á það að panta fyrir tjaldvagna og annað sem flytja á með Baldri tímanlega, því það gæti orðið mikill flutningur þessa helgi, heyrst hefur um annað ættarmót í eynni.

Bestu kveðjur, Ellý

Það ætlar að verða frábær mæting á ættarmótið okkar, nú hafa 129 skráð sig Þeir sem ekki eru komnir á blað, en ætla að vera með, drífið ykkur í því að skrá ykkur !